نداء وطلب ورجاء لجميع الاهل الاعزاء ببلدنا كسرى الحبيبه ، في الآونه الاخيره كلنا نرى بأم اعيننا اولاد في سن الرابعه حتى السادسه يركبون على التراكتورن ويسيرون بسرعه في شوارع البلد ، وولد بهذا العمر من المؤكد بانه لا يعرف شيئ بقوانين الشارع والسيارات ، حتى انه قبل يومين بالقرب من بيت الاخ بادي نصرالدين وانا نازل بالسياره لكبيره الهسعا وسياره شاب من البلد طالعه وإذا بولد اعرفه جيدا بالصف الثالث ومركب ورا كمان اخو بالصف البستان فات بيني وبين السياره الطالعه وبلطف من الله عز وجل ما صارت كارثه ، بتلفن لابو الولد واذا به يضحك ويقول يا زلمي اشتريت التراكتورون ب 3000 شيكل خليه يلعب وينبسط ، بحق الله هذا جواب انسان عاقل ، واننا اكيد منتمنى من الله بان لا يقع اي حادث من هذا النوع او غيره ، اولادنا فلذات اكبادنا اذا بدنا نبسطهن لازم يركبوا تراكتورون ويبرموا بشوارع البلد هل هذا معقول وكلنا نعرف الشوارع الداخليه بالبلد وزحمه السيارات وعدا عن ذلك سيارات الشحن الكبيره والباصات ، بكرا لا سمح الله بس يصير حادث منقول وين كانت عينين الشوفير شو مش شايف ، وساعتها كلمه يا ريت ما بتنفع ، لهذا اتوجه لجميع الاهل الاعزاء لا تخلوا الاولاد يبرموا بالشوارع , الولد بيظل ولد ، وانا ما بلوم الولد اللوم وكل اللوم على الاهل الي بيسمحوا لابنهن بهيك اشي ، موجه الله عليكم يا جماعه خذوا الموضوع بجديه اكثر لانو بكرا اذا صار حادث راح كثير نتندم ونقول يا ريت ، وزي ما بيقولو اعقل وتوكل ، وانشالله ما بيصير اشي يا رب بس اذا ظل الوضع هيك راح نشوف اشي مش منيح لا سمح الله ، وبتمنى من الجميع عدم المؤاخذه لانو هذه نصيحه للجميع ، وبالله المستعان والله ولي التوفيق .
